lunes, 4 de mayo de 2009


V Mercau Tradicional asturianu del valle del Nalón


Durante los díes 8, 9 y 10 de mayu el pueblu de sienra va a treslladase n’el tiempu (1850-1920), onde tendrá llugar un mercáu de los de enantes.

El pueblu transformaráse y, casi por arte de maxia, podremos disfrutar de la vida tal como yera visitando la escuela, la casa tradional, co’l so llar y la so habitación, el colmau, el chigre, la barbería, el llavaeru, ….

Y como tamos de mercáu nun puen faltar los mercaderes y artesanos qu’amás de vender los sos produtos, mostrarán el qué facer de los sos oficios, tales como: panaderu, queseru, zapateru, alfareru, carpinteru, talla de piedra, modistes y bordaores, la sanadora, artesanos de azebache y plata, y munchos más.

El pregoneru recorrerá el pueblu anunciando los actos que van tener llugar y dará d’alguna noticia interesante.

Por cualquier rincón podremos alcontramos colos Señores, el siñor cura, la parexa la guardia civil, la llavandera, el ganaderu coles vaques, el buhoneru cola so mercancía, el copleru ciegu, el bandurrieru y los guajes que venden El Filandón (el periódicu del Mercáu).

En cualquier momentu podremos disfrutar del son de la gaita y el tambor, y de los bailles, cantares y xuegos del Grupu Folclóricu “Blimea”.

Y munchu cuidau al escurecer, que los trasgos puen cambianos daqué de sitiu, les xanes puen volver llocos a los homes o la güestia pué intentar llevanos.